KULUB LETOY SALAH NGAKALAN (merlung punya cerita)

By: Merlung Comunity

Cerita ini hanya Fiktif belaka, jika ada kesamaan nama, tempat dan peristiwa itu hanya kebetulan saja. Tujuan Cerita ini hanya berusaha untuk dapat menjadi bahan candaan. Semoga cerita ini berkenan di hati rekan – rekan.

Jika Berkenan Alhamdulillah, jika tidak mohon maaf… hehehe

 

Tanyato nembak kancil tu ladas, apolagi nembak tu di rimbo. Tu nan tapikir oleh  empat bakawan. bujang, wak mat , uteh alek, kulub letoy.

Berencanolah urang barempat ko nembak, disiap annyo lah alat alat untuk nembak tu, bekal pun disiapannyo banyak banyak, maklumlah urang ko nak nembak lamo di rimbo nan jauh tu.

Berangkatlah orang barempat ko dngan jalan kaki, senapang angin sikok sorang tatenteng, cuman Kulub Letoy ko nan retoak’a, banyak nian nan dikundang’a. maklumlah, ruponyo nyo nan paling mudo di kelompok ko, jadi barang2 tu banyak disuruh ka nyo nan mawak’a.

Sambil bajalan kulub letoy ko banyanyi, “oiiii nasib….. oiiii nasibbbbbbbbbbbbbb…..ko lah kalu nyadi budak kecik,,,,, ambung diangkat,,,,,,, kayu barisi…..nak nyuruh kero…. kero dak bajalan ditanah”

“Hua ha hahahahahaha” Uteh Alek dan kawan –kawan tatawo…. 

Uteh AlekLub.. kau pulo jalan didepan..

Kulub Letoyeeeee eeehaaaa….. ko lah kalu nyadi nan mudo ko….Kno terus… nyesal aku ngikut.Rutuk sikulub sambil nuju tempat nan di depan.

 

Bajalan trus lah urang barempat ko nuju rombo lebat nain,,, rupoa si Kulub letoy ko tadi nampa jerat besar nian, cuman samar. Pura pura lah Kulub ko tadi dak tau. Nan belakang ko ngikut lah trus, rupo’a bujang ko tadi tentu bajo tu ado, tambah lagi gerak gerik kulub tadi lah aneh..”apo tu nan didepan dekat kayo tu, laen nian oncot’a, lari…… babalik lah galo kabalang. Kulub Letoy ko rupo’a dak ingat lagi saking takut tadi. Baru babalik kulub ko tadi, jerat mingkas nyo lansung tagantung. Itu….. tabhak bhak tawo bujang, “hua ha haha haha…. la kno nian kau lub, mano ado nan didepan tu, aku cuman ngarakalan kau biar kau lah nan ngeno jerat tu” kato bujang. Kulub ko dak toan nian pekik’a minta tolong. Apo dak’a, nyo tagantung tinggi nian.

Tibo tibo rupo’a keluar nian rimau besar,,, itu…. tu baru’a Bujang, Uteh Alek, Wak Mat lari  ngelepasan, babalik pulo Kulub Letoy tatawo..”Amannn……………. aku tinggi, rimau dak tau dak manjat. Hahahahahahah…” tawo Kulub Letoy.

Kawanyo nan batigo tadi dak tau lagi lari kamano, tu baru nyo tapneng, mikiran macam mano nak melepasan dari jerat tu. Dak lamo kawan nyo batigo tu balik pulo katempatnyo, rupo’a rimau tadi la lari keno tembak kaki a di Wak Mat.

Diturunannyo lah dikawan a tadi kulub Letoy tu. Sudah tu duduk lah urang tu untuk barenti bentar ngilangan pnat. Dak lamo barangkat pulo dan sampai lah tempat tujuan, berusahalah orang ko nyari mangsa. Dak lamo nampak lah kancel, ditelek lah di Uteh Alek kancil tu, Pessssss bunyi senampang a.

Uteh Alek: lub cepat kau kejar kancil tu, la kno tu, dak jauh dak lari’a.

Kulublah pulo, sayo lagi sayo lagi…. nasib nasib……….  rutuk nyo sambil pgi ngejar kancil tu.

Wak MatLub cepat yo,, kami dulu kedepan, legi susul…

Kulub: yooo… legi sayo susul…. aman lah tu…

Pgi lah Wak Mat dan kawan nyari mangsa lagi. Kulub Letoy ko tadi dak katoanan lari’a ngejar kancil tu. Dari jauh tambah jauh, dalam ngejar kancil tu tatengok lah di nyo emapt orang batino di atas kayu. ”wawwww… elok elok nian…” baru nak dekat kasiku “ nah…. ko rimau tadi nampak,laen’a dak dapat nak makan kami batino batino ko pulo nak dimakan’a” Diteleknyo senapang angin ka rimau tu, Pessssss… keno tembak an nyo karimau tu, lari pulo rimau tu. Itu pekik batino ramai tu tadi kesenangan. Didekatannyo lah batino tadi.

Kulub Letoy: siapokah Pengkau, Kok biso nyampai kautan?

Batino nan paling Tuo: Sebelum panjang lebar, kami ko ucapkan terimo kasih ka abang nan tlah nyalamatan kami. Kami ko ko adek baradik, ketiko sayo barumur 15 taun dan adek adek sayo lagi kecik, kami ditinggalkan orang tuo kami di sebuah pondok di rimbo ko,  sayo dak tau jalan nak balek, hinggo sayo bausaha untuk dapat batahan hidup dan marawat adek adek sayo. Terimo kasih banyak nian bang. (dengan rasa sedih dan isakan tangis).

Kulub Letoy: Macam mano biso orang tuo pengkau ninggalan pengkau disiko, kejam nian orang tuo pengkau. Kalu macam tu macam mano pengkau ikut sayo dengan kawan sayo?

Batino Paling Tuo:  Terimo kasih bang, ntah apo nan biso kami balas buat kabaikan abag. Kami siap jadi istri abang dan kawan abang.

Kulub  Letoy:  hmmmmm bole jugo ko (dalam ati’a). Jiko adek basadio kami pun siap…

 

Itu kamain senang nyo kulub, apo dak’ a batino tu ado nan elok, diantaro nan empat tu nan paling kecik nan paling elok dan nan paling tuo agak kurang, nan tengah lumayan elok. Nyari akal lah nyo macam mano caro nak napat nan elok tu dan nan paling tuo tu biar Uteh Alek nan napat,a. Akhir’a dapat  jugo akal. Maklum lah, kalu dak caro ko nyo maraso dak dapat nan elok, nyo kan dak dapat bakendak.

Kulub Letoy: Dipondok pengkau ado bedak dak?

Batino Paling Tuo: Ado bang, bedak peninggalan urang tuo kami maren tu,  Untuk apo tu bang?

Kulub Letoy:  Nak ngias kau, biar tampak cantik, kau mbo dak dapat nan paling gaga diantaro kami?

Akhirnyo yo lah, diajak lah bujang letoy ko tadi kapuntuk batino tu, sampai di pondok tu disuruh barias lah batino nan palin tuo, trus nan paling mudo dibuatnyo biar nampak bruk, dicolet coletnyo arang ka batino nan mudo tu. Batino batono  ko nurut jo, maklumlah kareno lah ditolong. Diajak lah batno batino ko tadi barangkat nyusul kawan a nan lah jauh ninggalan.. akhirnyo batemu jugo dengan kawan a.

Uteh Alek: weeee kanti kanti tengok tu Kulub, bukan kancil nan dibawak’a, batino rupo’a.

Wak Mat : Dimano ko kau bajumpo lub, kancil nan tatembak tadi mano.

Bacarito lah orang ko tamasuk batino tu panjang lebar.

Akhirnyo tibo lah memilih calon maseng maseng, pegilah barempat ko jauh dikit dari batino batino tu. Wak mat dan bujang lah dapat batino nan tengah, nak milih nan elok dak mungkin kareno menghormati Uteh Alek trus nan buruk dak mungkin pulo. tinggal lah nan tuo nan agak buruk cuman lah dirias jadi paling elok dan dan mudo nan paling elok cuman dihias biar nampak buruk.

Tibo tibo kulub letoy langsung bacakap

Kulub Letoy: Aku biak lah nan paling buruk tu, aku ko pasti lah ujung ujung tu jugo nan dapat, baek aku milih dulu, biar lah ut.

Uteh Alek: Macam mano yo, kalu untuk ko mikir dulu lub, sajahil jahil aku dak mungkin pulo melupoan nan paling bajasa dalam nyelamatan batino batino ko.

Kulub Letoy:  dak teh, biar lah sayo nan paling buruk. 

Uteh Alek:  Dak lub… untuk sekali ko sayo mengalah,, walaupun nan elok tu lebih tuo dari nan dak elok tu cuman masi sapantaran dengan kau. Jadi untuk sekali ko kau harus terimo apo kato aku, kalu dak marah nian aku.

 

Akhirnyo iyolah, selesai galo.. kulub ko nurut jo, maklumlah dak biso nurut kendak nyo. Kamain kesal kulu, niat ko biar dapat nan elok rupo dapat nan idak’a.  balik lah urang barempat ko serto dengan pasangannyo kadusun. Dalam pajalanan tu kamaen kesal a kulub letoy tadi, cuman apo lah dayo dak biso mengkang kato uteh Alek.

Sampai didusun suruh batino tu mandi galoa. Sudah mandi suruh bakumpul, takjut galo urang barempat tu, macam mano dak, rupo nan dapat paling elok uteh alek trus nan paling buruk Kulub letoy.

Cuma nta macam mano uteh alek ko tadi berubah keputusan jugo lah, jadi nan paling elok (nan paling mudo paling buruk sebelum mandi) disuruhlah ngikut Kulub Letoy.

———–Sekian———

About merlung

sebuah kota kecamatan
This entry was posted in Merlung's Files. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s